Śląske Geburstagi

To, że u nos na Slońsku je wszysko blank insze, to już kożdy przeca wiy. Bo i godka i kust, ale przede wszyskim obyczaje. Bez to my fajrujymy Geburstagi, a w Polsce imieniny.

A na geburstagach tyż to inakszy wyglondo. Bo przeca zaczynomy łod kawy i nie dej Bog pić jom nieskożi niż o trzecij abo sztwortej po połedniu. Ku kawie musi być torta i najmyni 2-3 zorty tortynsztikow. Ku tymu nikiedy szpajza abo kopa.

Nie wiym, czy to wiycie, że we Warszawie, kożdy fajer kończy się kawom, a nie zaczyno.

No i jeszcze ważno sprawa, u nos trza szczewiki sebuć, jak sie lezie do środka, a we Warszawie niy. Bo wto by potym pucował te tepichy i delowki.

Na slońskich geburstagach musi być konkretno zimno płyta, a nie krakersy i paluszki. Przeca trza mieć zagrycha. Yno, że nikiedy, stoł by trza było osztrabować, co tela tego jodła roztomańtego je. Ale jak to godajom na Ślońsku, to sie noleży. Musi tyż być wieczerzo na ciepło. Downij zawsze boł kartofelsalat, francki i kotlety. A dzisio trocha bardzi ludzie wymyślajom. Tak sie porobiyło, że jedyn bez drugiego bardzi kombinuje nad kustym. Jak sie idzie z geburstagu, to kożdy musi być zaskoczony nowościami.

U nos na tym czornym Ślońsku, rychtyk je inakszy, ale za to fest tradycyjnie, wesoło i gościnnie. Bo tacy my przeca som i niech tak zostanie do końca świata. Pyrsk!

Fajrować - świętować

Zorta - rodzaj

Tortynsztiki - ciasta tortowe

Szczawik - but