I co po świyntach?

Latosio Wielkanoc przepleciono zimom już mogymy zaliczyć do historie. I choć śniyg z nieba przepadywoł, Pon Boczek i tak zmartchwychwstoł,  a my wszyjstcy siedzieli przi świontecznym stole, na kierym przeca musiały być jajca, świyncelniki, zisty, wyndzonki, szinki, no i krzan.

I wszystko piyknie, yno na wodze uzaś wybiyło 2 kilo wiyncyj. I co z tym fantym zrobić?

Jedni godajom, że kochanego ciała nigdy za dużo, inksi, że tak to musi być, a jak się mo swoji lata, toż brzuszek ni ma niczym nadzwyczajnym. Nejgorszy, że świynta som dwa razy do roku, a człowiek durch biere na sia.

I co? Dać tymu pokoj, czy brać się za sia. Sposobow je dużo, yno łod czego zacznyć? Jeść się chce, bo żołądek rozszyrzony, a my chcymy chudnyć.

Jo wom proponuja nie robić szoku, yno pomału od gymby se odkłodać, a dziynnie choby na poł godziny iść se na szpacyr. Do tego nie wieczor nie jeść już owocow, yno jaki szałot, radistki i pomału wracać się do starej wogi.

Ni ma to lekki, ale nojważniejszo je zasada, pomału a sztyjc. Potym nieskożi możecie wprowadzić jeszcze jaki ćwiyczynia i już bydzie z gorki.

Piyrwej godali, że kto jy tyn się od śmierci broni. Ale tyż kustym roz dwa idzie sie załatwić na amyn, betoż do wszystkigo z umiarym (i z kustym i z odchudzaniym). Pyrsk

kust - jedzenie

zisty - babki

szpacyr - spacer